Plantun de Prouvènço

Pèr coumpara dos planto d'encò nostre

Saxifraga oppositifolia & Carduus defloratus

Sassifrago(-di-fueio-óupousado)

Saxifraga oppositifolia

Saxifragaceae

Autre noum : Sassifrajo.

Nom en français : Saxifrage à feuilles opposées.

Descripcioun :
Poulit sassifrago di flour roso que flouris d'ouro à la primo à la foundo di nèu. Fai de tepiero mai o mens sarrado emé de fueio bèn verdo tacado de blanc sus lou bout. Es uno di planto que podon resista i mai basso temperaduro : fin à - 20 °C ! Es estado visto dins lis Aup à 4500 m.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 1600 à 3200 m
Aparado : Noun

Liò : Roucas - Paret - Esboudèu
Estànci : Subaupen à Aupen
Couroulougi : Pancaro entresigna
Ref. sc. : Saxifraga oppositifolia L., 1753

Cardoun(-di-pecou-nus)

Carduus defloratus

Asteraceae Compositae

Nom en français : Chardon à pédoncules nus.

Descripcioun :
Aquéu cardoun trachis en mountagno dins lis esboudèu o enca li tepiero roucaiouso. Fai de mato gaire sarrado d'ounte sorton de flour coumpausado pourtado pèr de pecou nus, valènt-à-dire sènso fueio, o quàsi, mai pelouso (fotò). Li bratèio soun pougnènto, pulèu longo e d'un cop estrecho. Dos meno iston au nostre mai tout acò èi pancaro bèn clar : la subsp. carlinifolius, aqui presentado, a un pecou que fai pas souvènt mai de 5 cm, alor que defloratus fai mai de 10 cm en generau. Pamens i'a d'intermediàri que ié dison la subsp. medius.

Usanço :
Tóuti li cardoun soun manjadis, majamen li tijo, pamens avèn pas d'entresigne sus d'usanço couneigudo pèr lou cardoun-di-pecou-nus.

Port : Grando erbo
Taio : 15 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Carduus
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Roso
Petalo : >6
Ø (o loungour) enflourejado : 3 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Esboudèu - Roucaio - Tepiero roucaiouso
Estànci : Mountagnard à Aupen
Couroulougi : Ouroufito-Sud-Ouèst-Éuroupenco
Ref. sc. : Carduus defloratus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Saxifraga oppositifolia & Carduus defloratus

ges

Coumpara Sassifrago(-di-fueio-óupousado) emé uno autro planto

Coumpara Cardoun(-di-pecou-nus) emé uno autro planto